ستايلات سويتر تضيفيها لدولابك الشتا ده

السويتر الصوف من القطع الاساسية في دولابك في الشتا ، والسويتر الصوف مش بس قطعة مريحة ولكن كمان انيقة وتقدري تنسقيها على حاجات كتير في دولابك ، من اول السويتر الصوف الكلاسيكي اللي لياقته عالية ، للسويتر الاوفرسايز ، في ستايلات كتير تقدري تختاري من بينهم عشان تناسب كل المناسبات والاذواق ، والنهاردة هنشارك معاكم ستايلات سويتر تضيفيهم لدولابك الشتا ده.

– ستايلات السويتر للشتا:

السويتر اللي بلياقة مدورة كلاسيكية ، ضروري يكون في دولابك في الشتا ، مثالية جدا تنسقيها فوق اي حاجة في دولابك ، والسويتر الاوفرسايز بيضيف لمسة عصرية لاي لوك.

البلوفرات هي قطعة تانية اساسية في الشتا ، تقدري تنسقيها في لوك كاجوال مع الجينز او جيبة ، والسويتر الكشمير من القطع اللي بتضيف فخامة وراحة للوك.

الكارديجان ، كمان من القطع الشتوية اللي ممكن تنوعي في لبسها تقدري تقفليه او تفتحيه ، وتنسقيه على قطع كتير في دولابك.

– الوان السويتر للشتا:

دوري على درجات الالوان الغنية والارضية اللي بتعكس لوحة الالوان الطبيعية للموسم ، اللون العنابي الغامق, الاخضر الغابي, الازرق الغامق الكلاسيكي هيضيفوا لمسة راقية للوك بتاعك.

كمان الخطوط الجريئة والطبعات الهندسية موضة لموسم الشتا ده ، السويتر المنقوش هيضيف حيوية للوك الشتوي بتاعك.

والتوازن بين الالوان والطبعات هي المفتاح للوك انيق ، نسقي السويتر بالالوان الزاهية او النقوش المعقدة مع قطع بسيطة عشان تتجنبي ان اللوك يبقى شكله اوفر او زحمة ، وعلى العكس ، السويتر المحايد هيسمح لك تضيفي اكسسوارات تكمل اللوك وتبرزه.

– نصايح لتنسيق السويتر في لوك طبقات:

ممكن تلسبي قميص بلياقة تحت سويتر برقبة على شكل حرف V ، او تجمعي ما بين سويتر خفيف برقبة السلحفة مع فستان شتوي للحصول على لوك عصري.

السويترات الصوف عى قد الجسم بتكون مثالية جدا مع البنطلونات برجل واسعة او جيبة واسعة ، ده هيخلق لوك متوازن ، وعلى العكس ، السويتر الصوف الواسع او الاوفرسايز بيكون مثالي مع الجينز الضيق او البنطلونات الكلاسيك الضيقة للحصول على لوك انيق ومريح.

الاكسسوارات تعتبر من المكملات المهمة للوك ، العقد او السكارف ممكن يحول السويتر العادي لقطعة اساسية انيقة ، وكمان التغيير من الانكل بوت للبوت بكعب عالي ممكن يغير اللوك بتاعك ويحوله من لوك نهاري للوك ليلي بسهولة.

– نصايح للعناية بالسويتر الشتوي:

للحفاظ على شكل السويتر الصوف ، العناية المناسبة هتكون مهمة جدا ، ارجعي دايما لملصق العناية على السويتر عشان تشوفي تعليمات الغسيل ، في سويترات محتاجة تغسليها يدوي وانواع تانية ممكن تتغسل في الغسالة على دورة ماية خفيفة بالماية الباردة لمنع الانكماش والحفاظ على القماش.

كمان تجفيف السويترات الصوف بشكل صحيح مهم جدا بنفس اهمية عملية الغسيل ، حطيه بشكل مسطح على منشفة عشان يجف بشكل طبيعي في الهوا ، وعيدي تشكيله وهو مبلول عشان تحافظي على شكله ، اتجنبي تعليق السويتر الصوف لان ده بيسبب تمدد الالياف وبيخليه يتمط وشكله يبوظ ، وخصوصا وهو مبلول.